"ნეტარ არს, რომელი იკითხვიდეს და რომელნი ისმენდენ სიტყუათა ამის წინაწარმეტყუელებისათა და დაიმარხონ, რაჲ-იგი მას შინა წერილ არს, რამეთუ ჟამი ახლოს არს" (გამოცხ 1:3).
"იცი ნიშნები ანტიქრისტესი?! - დაუყოვნებლივ აუწყე ყველას!"
წმ. კირილე იერუსალიმელი (IV ს.)
"ჰე, მოვიდოდე, უფალო იესუ!" (გამოცხ. 22:20)
ელ. ფოსტა:
BANK OF AMERICA-ს კედლის ფერწერა და მისი ოკულტური შინაარსი
ქალაქ შარლოტში (ჩრდილოეთ კაროლინა) მდებარეობს Bank of America-ს კორპორატიული ცენტრი, სადაც ამ ბანკის ფოიე მოხატულია უცნაური და შემაძრწუნებელი ფრესკებით, რომლებიც ოკულტური სიმბოლიკით არის დატვირთული. მაგრამ, კიდევ უფრო შემაშფოთებელია ის, რომ ეს გამოსახულებები, როგორც ჩანს, კაცობრიობის არცთუ შორეულ მომავალს წინასწარმეტყველებენ. გვაუწყებენ თუ არა ისინი ახალი მსოფლიო წესრიგის დადგომას? მოდი შევხედოთ ამ ოკულტურ სიმბოლოებს გამოფენილთ Bank of America-ში და ჩავწვდეთ მათ შინაარსს.
უპირველეს ყოვლისა, ფრესკები ერთსა და იმავე დროს, გიპყრობენ თავისი სიმბოლიზმითა და გზარავენ იდუმალი გზავნილებით. შეუძლებელია არ შეადარო ისინი დენვერის აეროპორტის ასევე შემაძრწუნებელ ფრესკებს. ბენჯამინ ლონგოს მიერ დახატული ეს ფრესკები, როგორც ამბობენ ეხება ისეთ თემებს, როგორიც არის "აღმშენებლობა", "ქაოსი" და "ცოდნა", რომელიც გაბედულად არის შეხამებული აბსტრაქციასთან და რეალიზმთან.
სამ ფრესკაზე გამოსახულია კორპორატიული ცენტრის, Bank of America-ს მმართველი ლობი.
მართალია, ჩვენ ჩვეულებისამებრ მარცხნიდან მარჯვნივ ვკითხულობთ, მაგრამ ფრესკების ლოგიკა მაყურებელს მიანიშნებს, რომ ისინი წაკითხულ უნდა იქნენ პირიქით, - მარჯვნიდან მარცხნივ. "დაგეგმარების" ეტაპი, რომელიც ვიზუალუარდ მარჯვნივ არის წარმოდგენილი, ნებისმიერი პროცესის უპირველეს ნაბიჯს წარმოადგენს და აქვეა ალქიმიური სიმბოლიზმიც, რომელიც ფრესკების ქრონოლოგიაზე მიანიშნებს, ამდენად სრულიად ლოგიკური იქნება ჩვენი განხილვაც აქედან დავიწყოთ.
მარჯვენა ფრესკა
ფრესკას, რომელიც მარჯვენა მხარეს არის განლაგებული "დაგეგმარება-ცოდნას" უწოდებენ. მისი სიმბოლიკის ეზოთერული შინაარსი მოგვითხრობს იმის შესახებ თუ რა არის დაგეგმილი და რა ცოდნა აქვს მას მხედველობაში.
აქ ჩვენ ვხედავთ ქერა ბიჭუნას, რომელიც დგას სტანდარტულ მასონურ ჭადრაკულ იატაკზე. მისი ფეხები მასონთა განდობის რიტუალის შესაბამისად ქმნიან 90 გრადუსს.
"კითხვა: ლოჟაში დაბრუნების შემდეგ, თქვენ, როგორც ახალგაზრდა მოწაფე, სად იდგებით?
პასუხი: ჩრდილო-აღმოსავლეთ კუთხეში, ჩემი ფეხები წარმოქმნიან მართკუთხედს, ჩემი სხეული პირდაპირ დგას ღირსპატივსაცემი ოსტატის მარჯვენა ხელის მხარეს, აღმოსავლეთით. მე ვიდგები როგორც ადამიანი და მასონი და მომეცემა უფლება ვიარო და ვიმოქმედო როგორც მასონმა" (მალკოლმ დუნკანი. მასონთა რიტუალების აღწერა).
ბიჭუნას ქვემოთ გამოსახულნი არიან საქმიან კოსტიუმებში ჩაცმული ადამიანები, რომლებიც, როგორც ჩანს, რაღაცას გეგმავენ და თანაც მასონ ბიჭუნაზე უთითებენ. ეს ბიჭუნა, "ახალი თაობის" სიმბოლოს ხომ არ წარმოადგენს?
ქერა ბიჭუნა ძალზედ მოგვაგონებს ასეთივე ბიჭს დენვერის საერთაშორისო აეროპორტის ერთ ერთი ფრესკიდან.
ფოტო: მასონი ბიჭუნა მასონურ იატაკზე
ფოტო: ბიჭუნა ხმლიდან სახნისს ჭედავს. მიაქციეთ ყურადღება, რომ ბიჭუნა ჩაცმულია ტრადიციულ ბავარიულ კოსტიუმში... ხომ არ არის ეს მინიშნება ბავარიელ ილუმინატებზე?
ალმოდებული ბუჩქი, დედაკაცი კუბში და პირამიდა
ფოტო: სიმბოლიზმით გადატვირთვა
ბიჭუნას უკან ხე (ბუჩქი) იწვის, რომელიც ძველაღთქმისეულ შეუწველ მაყვლოვანს მოგვაგონებს (გამ. 3:2). "შეუწველი მაყვლოვანის" სიმბოლოს უდიდესი მნიშვნელობა აქვს მასონურ რიტუალებში, განსაკუთრებით 33-ე საფეხურისთვის, რომლის წევრებიც "შეუწველ მაყვლოვანთან ახლოს მგდომებად" მიიჩნევიან. "გამოსვლის წიგნსი ასე წერია, "მწყემსავდა მოსე თავისი სიმამრის, მიდიანელი მღვდლის, ითროს, ცხვარს. წაასხა ერთხელ ცხვარი უდაბნოს იქით და მიადგა ღვთის მთას, ხორებს. გამოეცხადა უფლის ანგელოზი ცეცხლის ალად შუაგულ მაყვლოვანში. ხედავს, ცეცხლი უკიდია მაყვლოვანს, მაგრამ არ იწვის მაყვლის ბუჩქი" (გამ. 3:1-2) და ამცნო უფალმა მოსეს თავისი გამოუთქმელი სახელი.
"შეუწველი მაყვლოვანის" სიმბოლო გამოიყენება "სამეფო თაღის" ხარისხში განდობისას ("სამეფო თაღის" რიტუალს მასონობის ისტორიის სპეციალისტები ოსტატის ერთგვარ დამატებად მიიჩნევენ, რომელშიც, სხვათა შორის, შედის ისეთი რიტუალებიც, რომლებიც ღმრთის "ჭეშმარიტი" სახელის "მოპოვებასთან" არიან დაკავშირებულნი - შენიშვნა ავტ.). პრაქტიკულად ყველა ძველ კულტურაში ცეცხლი ღვთაებრივი საწყისის სიმბოლოს წარმოადგენს. შეუწველი მაყვლოვანი, ანუ ალმოდებული, მაგრამ შეუწველი ეკლის ბუჩქი, რომელშიც უფალი მოსეს გამოეცხადა, ღვთიური ნათლისა და სიმართლის სიმბოლოს წარმოადგენს და მასონობაში უმაღლესი განდობის ხარისხზე მიანიშნებს, ისევე როგორც ალიონი მიანიშნებს უქვემოესი განდობის ხარისხზე. ამრიგად, ეს არის "ჭეშმარიტი" მასონური ნათლის წყარო. ამიტომაც, 33-ე ხარისხის უზენაესი საბჭოები თავიანთ ოფიციალურ დოკუმენტებს ხელს აწერენ ასე: "შეუწველ მაყვლოვანთან", ანუ შეუწველი მაყვლოვანის გამოსახულებასთან ახლოს, რითაც მიანიშნებენ, რომ მთელ, უნიკალურ მასონურ ცოდნის ფლობენ (Альберт Г. Макей, Энциклопедия Масонства», Часть 1).
უკანა პლანზე ვხედავთ ეგვიპტურ პირამიდას, - საიდუმლოს ძირითად სიმბოლოს ოკულტურ სწავლებებში. აქვეა უცნაური დეტალი - გამჭვირვალე კუბი, რომელიც ცას არის გამობმული წვრილი ძაფებით. მასში, როგორც ხაფანგში, გამომწყვდეულია დედაკაცი. რას ნიშნავს ეს სიმბოლო? ხომ არ მიანიშნებს, ეს ადამიანზე, რომელიც გაიჭედა მატერიალურ და უხილავად მმართველ "ზეგარდგმო" ძალებს შორის?
შავი მზე და კიბე
ფოტო: იაკობის კიბე და შავი მზე
მარცხნივ გამოსახულია კიბე, რომელიც, სავარაუდოდ, ზეცაში ადის. ეს არის კლასიკური სიმბოლო, რომელიც მასონურ საიდუმლოებებთან განდობის გზით ილუმინატთა ეტაპობრივ აღზევებაზე მიანიშნებს.
მარცხნივ გამოსახულია კიბე, რომელიც, სავარაუდოდ, ზეცაში ადის. ეს არის კლასიკური სიმბოლო, რომელიც მასონურ საიდუმლოებებთან განდობის გზით ილუმინატთა ეტაპობრივ აღზევებაზე მიანიშნებს. ცაში - შავი მზეა, კიდევ ერთი ეზოთერული სიმბოლო. ალქიმიურ სწავლებებში ლაპარაკია ორი მზის არსებობაზე. პირველი, უხილავი და ეთერული სუფთა "ფილოსოფიური ოქროსგან" შესდგება, ხოლო მეორე - მატერიალური და ერთადერთი მისაწვდომი "მზეა" გაუნდობელის ცნობიერებისთვის. ეს მზე ოკულტურ სიმბოლიკაში "შავ მზედ" იწოდება.
ალქიმიაში "შავ მზეს" (Sol niger) "დიდი მუშაობის" პირველი ეტაპის შედეგსაც უწოდებენ, რომელიც "გაშავებით", ანუ შავი მეტალის გამოხურვებით იწყება და სუფთა ოქროდ მისი გარდაქმნით მთავრდება. სადღეისოდ შავი მზის გამოსახულება ყველაზე მეტად ასოცირდება ნაციზმთან და ოკულტურ ორგანიზაციებთან, ისეთებთან, როგორიცაა მაგალითად, "სეტის ტაძარი" (ორგანიზაცია, რომელიც 1975 წ. აშშ-ს არმიის პოდპოლკოვნიკმა მაიკლ ა. აკინომ დააფუძნა და "გონიერი ეგოიზმის" ფილოსოფიას ქადაგებდა - ავტ.). თუმცა, ეს სიმბოლო ზოგჯერ საკმაოდ მოულოდნელ ადგილებშიც გვხვდება, მაგალითად, როგორც ეს:
ფოტო: მასონური გრავიურა: საფეხურები, რომელთაც მასონური იატაკიდან ზეცად აჰყავს ილუმინატბი
ფოტო: Bracken House ლონდონში.
შავი მზის ცენტრში ვხედავთ უინსტონ ჩერჩილის სახეს.
და აგრეთვე დენვერის აეროპორტშიც...
ფოტო: შავი მზე დენვერის აეროპორტის იატაკზე, თითქოსდა ჩრდილავს ოქროს მზეს
ამრიგად, მარჯვენა ფრესკა დიდი, ანუ "შავი სამუშაოს" პირველ ეტაპს გამოხატავს, რომელიც ჯერ კიდევ უნდა შესრულდეს. თვით სამუშაოს სიმბოლოს აქ შავი მზე წარმოადგენს.
საქმიან კოსტიუმებში ჩაცმული ადამიანები შეფიქრიანებულნი არიან, როგორც ჩანს, მათ მასონური ახალგაზრდობის ახალი თაობის მომზადება აფიქრებთ (ერთ ერთი პერსონაჟი გასაოცრად ჰგავს ილუმინატების ორდენის დამფუძნებელს, ადამ ვეისჰაუპტს). "გაუნდობელი" ამ დროს, თავის ხვედრს ელოდება გამჭვირვალე კუბში, რომელსაც უხილავი "მეთოჯინეები" მარიონეტივით მართავენ.
შუა ფრესკა
შუა ფრესკა ეს არის "ქაოსი-შემოქმედება". ის გამოხატავს მშფოთვარე, გარდამავალ პერიოდს. მრავალი დეტალი უთითებს აქ უიდიდეს არეულობაზე, რომელსაც, როგორც ჩანს, საზოგადოების ყველა ფენა და ცივილიზაციის საფუძვლები მოუცავს. ბრბოში შეგვიძლია გავარჩიოთ სამხედროთა, მონაზონთა, საპროტესტო აქციებზე გამოსულთა და სხვათა ფიგურები...
ფოტო: მავთულხლართი, ბადე და ჯარისკაცები ქუჩებში ფრესკის მნახველს იმაში არწმუნებს, რომ წესრიგის არარსებობა - შევიწროვებისა და ჩაგვრის ერთ ერთი ფორმაა.
ფრესკის მარცხნივ გამოსახულია ადამიანი, რომელსაც ქიმიური დაცვის კოსტიუმი აცვია, რამაც ფრესკის მნახველს ქიმიურ ომზე უნდა მიანიშნოს.
დენვერის აეროპორტის ფრესკაზე, სადაც ვხედავთ ნაცისტურ ფორმაში გამოწყობილ, აირწინაღიან სამხედრო პირის ფიგურას, რომელიც დამწუხრებულ ადამიანთა უსასრულო რიგს ქელავს, ასევე მოცემულია მინიშნება ქიმიური შეტევაზე, სამხედრო რეპრესიებსა და მსხვერპლზე მშვიდობიან მოსახლეობას შორის (მკვდარი ბავშვები) - აქაც იგივე სიმბოლოებია, რასაც Bank of America-ს ფრესკებზე ვხედავთ.
Bank of America-ს შუა ფრესკას თუ დავაკვირდებით (იხ. ფოტო ქვემოთ) დავინახავთ ნახევრადგამჭვირვალე, შიშველ სხეულებს, რომლებიც ცეცხლოვან გრიგალში ტრიალებენ. სავარაუდოდ ეს ნიშნავს, რომ ქაოსი მოიცავს როგორც მეტაფიზიკურ, ასევე კოსმიურ, ანუ ასტრალურ დონეებს.
ეს მრგვალი, ცეცხლოვანი ძაბრი მზესაც მოგვაგონებს. ფერმკრთალი ოქროს ფერი და ფიგურების ნახევრადგამჭვირვალობა დიდი ალქიმიური სამუშაოს შუალედურ ეტაპზე მიგვანიშნებს, რომელსა "თეთრი სამუშაო" ეწოდება. იუნგმა (კარელ გ. იუნგი - შვეიცარიელი ფსიქიატრი, რომელმაც უდიდესი ზეგავლენა მოახდინა კულტუროლოგიაზე, შედარებით რელიგიათმცოდნეობასა და მითოლოგიაზე - ავტ.) ეს ეტაპი მზის ამოსვლას, ალიონს შეადარა, რომელიც არის მომდევნო, ფინალური საფეხურის დასაწყისი. ოკულტურ სიმბოლიკაში ალიონს წითელ ფერს უკავშირებენ. ამიტომაც, ამ ფერს მარცხენა ფრესკაზე განსაკუთრებული ადგილი ენიჭება.
მარცხენა ფრესკა
მარცხენა ფრესკა "აღმშენებლობას" ეძღვნება. ცენტრში ვხედავთ მუშის ფიგურას, რომელსაც ხელში ნიჩაბი უჭირავს და თავის ნამუშევარს ათვალიერებს. მისი უკანა ჯიბიდან გამოშვერილია წითელი ნაჭერი, რაც ასევე სიმბოლურია. წითელი ფერს, როგორც ეს ზემოთ აღვნიშნეთ, განსაკუთრებული მნიშვნელობა გააჩნია. ეს ფერი ალქიმიური დიდი სამუშაოს ფინალურ სტადიასთან ასოცირდება, ეს არის "წითელი სამუშაო".
ოკულტურ სწავლებებში ალქიმიური ტრანსორმაციები რამოდენიმე დონეზე შეიძლება მოხდეს: მატერიალურზე, როდესაც დასამუშავებელი (ანუ "შავი" მასალა) გარდაიქმნება ოქროდ, სულიერზე და ფილოსოფიურზე, როდესაც გაუნდობელი "აღიყვანება" ახალი ცხოვრებისკენ. საიდუმლო საზოგადოებების ტრადიციულ სწავლებებში სამყარო ალქიმიურ ტრანსფორმაციათა სუბიექტად განიხილება. არასრულყოფილება აუცილებელია იმისთვის, რათა "გარდაქმნილ იქნას სუფთა ოქროდ", რათა მასში აირეკლოს ზეცა, ალქიმიური აქსიომის შესაბამისად: "როგორც ზემოთ, ისევე ქვემოთ". ნიშნავს თუ არა ეს იმას, რომ ოკულტური ელიტა ახალი მსოფლიო წესრიგის მშენებლობას თავის "უდიდეს სამუშაოდ" მიიჩნევს? სავარაუდოდ, ეს ასეც უნდა იყოს.
მძინარე გიგანტი
ფოტო: ის მკვდარია თუ სძინავს? და რას ნიშნავს ასოები: "EQ"?
ფრესკაზე ვხედავთ უცნაური ფრაგმენტს - მწოლიარე ადამიანს, რომელიც მიწის ფონისგან ძნელად გასარჩევია, როგორ გავიგოთ ეს? სძინავს ამ ადამიანს თუ მკვდარია? მსგავსი გამოსახულება (იხ. ფოტო ქვემოთ) დენვერის აეროპორტის ფრესკებზეც გვხვდება. რაზედ მიანიშნებენ ეს ფრესკები? როგორც ელიტიზმის იდეებით შთაგონებული ყოველი ხელოვნება, აშშ-ს უმსხვილესი ბანკის, Bank of America-ს მთავარი ოფისის ფრესკებიც მხოლოდ "განდობილთათვის" არის გამიზნული. მიუხედავად ამისა, შეიძლება ვივარაუდოთ, რომ ისინი აღწერენ სამყაროს ტრანსფორმაციის სამ ეტაპს - ჩანაფიქრს, ქაოსს და მიზნის მიღწევას. ყოველ ამ ეტაპს მასონური ალქიმიური პროცესის შესაბამისი ფერი შეესატყვისება: Nigredo (შავი სამუშაო), Albedo (თეთრი სამუშაო) და Rubedo (წითელი სამუშაო). ეს გამოსახულებები გარკვეულწილად ეხმაურება დენვერის საერთაშორისო აეროპორტის ფრესკებს. მათშიც იკითხება "სამყაროსა და ბუნებასთან ჰარმონიის" მშენებლობის საშინელი ისტორია, რომელიც ქაოსისა და სიკვდილის შემდეგ დგება.
ამრიგად, პირველი ფრესკა ეს არის ოკულტურ სიმბოლოთა კრებული, რომელთაგან ზოგიერთი პირდაპირ მასონობაზე უთითებს. გასაოცარია, რომ გამოსახულება აშშ-ს უმსხვილესი ბანკის მთავარი ოფისის ვესტიბიულში იმყოფება და არა მასონური ლოჟის ვესტიბიულში. თუმცა, შესაძლოა ეს არც იყოს შემთხვევითი. "განდობილთა" ჯგუფს, ანუ მათ, ვისაც უნდა მიენდოს მასონური სამუშაოს პირველი ნაწილი, "ჩანაფიქრი", ყოველგვარ ეჭვს გარეშე, ფრესკაზე კოსტიუმებში გამოწყობილი ადამიანები წარმოადგენენ. შესაძლოა, მათი ჰალსტუხები შემთხვევით არ ეხამებიან წითელ-თეთრად გაწყობილ ჭადრაკულ იატაკს.
მეორე ფრესკაზე გამოსახულია სამოქალაქო მღელვარება, ჯანყი, პროტესტი და რეპრესიები. ხალხი, ან ცხოვრების დონის დაცემის გამო, ან კიდევ უკიდურესად მიუღებელი კანონპროექტების გამო თავისი პროტესტის აშკარად გამოთქმას ბედავს. ხომ არ ნიშნავს ეს ფრაგმენტი სამოქალაქო თვისუფლების გაუქმებას და პოლიციური სახელმწიფოს დამყარებას? გამოსახულებაში არის ასევე მეტაფიზიკური ასპექტი, რომელიც წრებრუნვაში მოქცეული შიშველი სხეულებით არის წარმოდგენილი და ერთგვარად მზესაც მოგვაგონებს. ეს ფრესკა, სავარაუდოდ, კოსმიური დონის ქაოსს ნიშნავს.
და ბოლოს, უკანასკნელი ფრესკა დაკავშირებულია მისიის დამამთავრებელ ეტაპთან. ცენტრში მდგომი ადამიანი ათვალიერებს თავის ნამუშევარს. ამავე დროს, სხვა მუშები ჯერაც არიან დაკავებულები მიწისქვეშა სამუშაოებით. ანუ, მასონური სამუშაო საბოლოოდ არასოდეს შეიძლება დასრულდეს. ეს ფრესკა მაგონებს ფილმს "მეტროპოლისი" (გერმანელი რეჟისორის, ფრიც ლანგის მუნჯური მხატვრული ფილმი, რომელიც მან 1927 წ. გადაიღო - ავტ.), სადაც მუშები ელიტიზმის უტოპიის მხარდასაჭერად, მიწისქვეშა საწარმოო "ჯოჯოხეთში" მორჩილად და უსიტყვოდ მიემართებიან.
დასასრულ, გვინდა ვთქვათ, რომ Bank of America-ს ფრესკები კიდევ ერთი მტკიცებულებაა იმისა, რომ არსებობს კულისებსმიღმიერი ელიტის საიდუმლო გეგმა, რომელიც "გაუნდობელთაგან" საიდუმლოდ ინახება. გიგანტური ფიგურები თუმცა ყველას დასანახად არის გამოტანილი, მაგრამ მაინც, მისი შინაარსი მხოლოდ "განდობილებსა" და "რჩეულებზეა" გამიზნული, ამიტომაც, ამგვარი ობიექტების ჭეშმარიტი დანიშნულება მხოლოდ მათ იციან. ამ სიმბოლიკაში ასახულია ელიტის ფილოსოფია, მათი ოკულტური ცოდნა და სამომავლო გეგმები. როგორც ხელოვნების ნებისმიერი ნაწარმოები, ფრესკები შეიძლება ინტერპრეტირებულ იქნას სხვადასხვა დონეზე და სხვადასხვა დასკვნების გაკეთების შესაძლებლობას იძლევა. მიუხედავად ამისა, შეუძლებელია Bank of America-ს ოფისში განთავსებულ ფრესკებში არ დავინახოთ შინაარსობრივი კავშირი დენვერის საერთაშორისო აეროპორტის ფრესკებთან. შეუძლებელია არ შევამჩნიოთ, როგორ ეხმიანებიან ისინი ჯორჯიის შტატში აღმართულ მასონურ ფილაქნებს (გრანიტის უზარმაზარი მონუმენტი ჯორჯიის შტატის ელბერტის ოლქში, რომელზეც რვა თანამედროვე და ოთხ ძველ ენაზე არის რამოდენიმე წარწერა; პირველი მათგანი გვამცნებს: ""დაე დედამიწის მოსახლეობა ნურასოდეს გადააჭარბებს 500 000 000, რათა მარადიულ ჰარმონიაში იყოს ბუნებასთან" - ავტ.). ყველა ამ უცნაურ ადგილებში ჩვენ ვაწყდებით ერთსა და იმავე ოკულტურ სიმბოლიკას, წინასწარმეტყველებებს "ახალი ეპოქის" შესახებ, სიძულვისლ გაუნდობელთა მასებისადმი, ომისა და რეპრესიების განდიდებას და ა. შ. მათი სიმბოლიზმის ტონისა და შინაარსის ურთიერთშეთანაწყობა აშკარაა.
ფოტო: უმწეო მძინარე (თუ მკვდარი) პატარა ბიჭი, რომელსაც წითელი საფარველი აფარია (დენვერის აეროპორტის ფრესკა)
საბოლოოდ მივდივართ იმ დასკვნამდე, რომ ამ და სხვა უცნაურ გამოსახულებათა უკან დგას ადამიანთა ერთი და იგივე ჯგუფი. მათი სახელები ჩვენთვის უცნობია, მაგრამ რაღაც მაინც ცნობილია: მაგალითად, ცნობილია, რომ ისინი ზღაპრულად მდიდრები და წარმოუდგენლად ძლიერი ძალაუფლების მფლობელნი ბრძანდებიან. ჩვენ მათ არ ვუყვარვართ, რადგან არ მივეკუთვნებით "რჩეულთა" ვიწრო წრეს და არ ვიზიარებთ მათ მსოფლმხედველობას.
წყარო: Mixednews.Ru
ჯორჯიის შტატის მონუმენტი
მონუმენტზე არის წარწერა: "დაე დედამიწის მოსახლეობა ნურასოდეს გადააჭარბებს 500 000 000 , რათა მარადიულ ჰარმონიაში იყოს ბუნებასთან