მომავალი მსოფლიო წესრიგი
სიკვდილის ფერმკრთალი (ჩალისფერი) ცხენი
ანუ 
დენვერის აეროპორტის საიდუმლო

2012 წლის პრობლემა რეალურად არსებობს და საწინააღმდეგოს მტკიცება, უკიდურეს შემთხვევაში, არ იქნებოდა სამართლიანი. მაგრამ, საჭიროა სრულიად მკაფიოდ და ცხადად გავითავისოთ, რომ ეს პრობლემა ხელოვნურია და ხელოვნურადვე არის დაკავშირებული თარიღს, რომელიც ოკულტური თვალსაზრისით არის შერჩეული. პრობლემა, რომელიც შექმნილია ცნობილი პარადიგმის, - "პრობლემა - რეაქცია - გადაწყვეტილება", - ჩარჩოებში. არსებითად ეს არის გლობალური პროპაგანდისტული კამპანია, თუმცა ამ ფაქტის აღიარება სულაც არ აკნინებს პრობლემის სერიოზულობას, რადგან ეს კამპანია გლობალისტური ელიტის ერთ ერთი სერიოზული ნაბიჯია მსოფლიო მთავრობის შესაქმნელად.

თქვენ მიხვდებით თუ რატომ არა აქვს საერთო მაიას კალენდართან 2012 წლის 20 დეკემბერს, რომელიც უკვე რამდენიმე წელიწადია მუსირებს კინოში, პრესაში და სხვადასხვაგვარ კონსპიროლოგიურ თუ ესქატოლოგიურ საიტებზე, რომელსაც რეალურად გააჩნია სრულიად სხვა სახის ფესვები. 

ამის შესახებ თქვენ შეიტყობთ უახლოეს მომავალში. დღეს კი თქვენს ყურადღებას მივაპყრობთ ჩვენი ციკლის პირველი ნაწილის სტატიას, სადაც მოგითხრობთ დედამიწაზე ოკულტურ ძალთა უმთავრეს პუნქტთა არსებობაზე, რომლებიც პირდაპირ არიან დაკავშირებულნი იმ მოვლენების მომზადებასთან, რომლებიც შესაძლოა განვითარდეს 2012 წლის დეკემბერში.

ბოლო 30 წლის განმავლობაში, მთელს მსოფლიოში გამოჩნდა დიდი რაოდენობის "წინასწარმეტყველური" არტეფაქტები, რომლებიც ახალი მსოფლიო წესრიგის დამყარებას გვაუწყებენ. თანაც მათი ყველაზე დიდი რაოდენობა მდებარეობს ამერიკის შეერთებული შტატების ტერიტორიაზე, რადგან ეს ქვეყანა კულისებსმიღმა ლოჟებმა გლობალიზმის ემბრიონის მატარებლად აირჩიეს. სწორედ მის ხალხს მოუწევს გახდეს გლობალიზაციის პირველი მსხვერპლი, იმის შემდეგ, რაც ის "გამოიჩეკება" თავისი ნაჭუჭიდან.

ამიტომაც, ჩვენი ციკლის პირველ სტატიას მივუძღვნით ბნელი და საშინელი "წინასწარმეტყველებების" გამოკვლევას, რომელიც ამ ქვეყნის ტერიტორიაზე ახალი მსოფლიო წესრიგის დამყარებას გვაუწყებს.

მრავალი გაკვირვებული კითხულობს: რატომ აკეთებენ ისინი ამას, რატომ ქმნიან ძეგლებს და ამკობენ სხვადასხვა ობიექტებს თავიანთი სიმბოლოებით. რა მიზანი აქვს იმ ინფორმაციის "გაჟონვებს", რომლებიც შესაძლებლობას აძლევს ადამიანებს განჭვრიტონ გლობალისტთა ბნელი ზრახვები (როგორც იყო ეს, მაგალითად, 9/11 მოვლენების წინ), რატომ ააშკარავებენ ისინი წინასწარ იმას, თუ როგორ უნდა განხორციელდეს მათი გეგმები?

პასუხი ძალზედ მარტივია: მათ სურთ ადამიანები დაარწმუნონ მომავალი მოვლენების გარდაუვალობაში, დათესონ მათში პასიური ფატალიზმის მარცვლები, დათრგუნონ მათი ნება. გარდა ამისა, მხედველობაში უნდა ვიქონიოთ, რომ ჩვენ საქმე გვაქვს სატანური რელიგიის ადეპტებთან, რომელიც, როგორც სხვა დანარჩენი, გულისხმობს სიმბოლიკის, საკულტო ნაგებობების და ცხადია, "წინასწარმეტყველებების" არსებობასაც. 

მათი რელიგია, რომელიც საუკუნეების განმავლობაში საიდუმლოდ რჩებოდა გარშემომყოფთა უმრავლესობისთვის, დღეს ღიად გამოდის და ამიტომაც არის, რომ ჩვენ ასე ხშირად ვაწყდებით ამ რელიგიის საკულტო ნაგებობებს, ასევე საიდუმლო ინფორმაციისა და "წინასწარმეტყველებების" ერთი შეხედვით უცნაურ გამოჟონვას, მათი ადეპტების შემაძრწუნებელ გეგმებს, რომელთა დახმარებით ისინი ცდილობენ დაუმტკიცონ ადამიანებს, რომ მათი სარწმუნოება ჭეშმარიტია.



აპოკალიფსური ჩალისფერი (ფერმკრთალი) ცხენი დენვერის აეროპორტში

 დენვერის აეროპორტი
სტატია პირველი: 

დენვერის აეროპორტის საიდუმლო

ნებისმიერი ადამიანი, ვინც კი კოლორადოს შტატის ქ. დენვერის აეროპორტში ყოფილა, შოკირებული აღმოჩნდება იქ დანახულით. ეს ადგილი მრავალ ეჭვსა და კითხვას აღძრავს, რომელზეც ჯერ-ჯერობით პასუხები არ არსებობს. ყველა შენობა ბუკვალურად გამსჭვალულია პირქუში და გაუგებარი სიმბოლიზმით, რომელიც პირველი დანახვისთანავე გეცემათ თვალში.

დენვერის საერთაშორისო აეროპორტი გახსნეს  1995 წელს, მიუხედავად იმისა, რომ აქ უკვე ფუნქციონირებდა სტეპლტონის უმსხვილესი აეროპორტი. მისი შემქმნელები საზოგადოებას არწმუნებდნენ ახალი აეროპორტის მშენებლობის აუცილებლობაში და ამბობდნენ რომ თითქოსდა ქალაქს აუცილებლად უნდა ჰქონოდა ისეთი აეროპორტი, რომელიც შესძლებდა მგზავრთა უდიდესი ნაკადის მიღება-გატარებას, ტექნიკურად იქნებოდა უფრო სრულყოფილი და მოხერხებული მგზავრებისთვის.

მიუხედავად ამისა, ახალი აეროპორტი, ძველს აღემატება მხოლოდ კოლოსალური დანახარჯით, 4 მილიარდი დოლარით და უზარმაზარი ტერიტორიით (რომელიც ორჯერ აღემატება მანჰეტენის ფართობს). შესაძლოა ის საჭირო გახდა იმისთვის, რათა მასზე განლაგებულიყო სხვასტიკის ფორმის ასაფრენი ბილიკები (დიახ, დიახ, თუ კომპლექსს google maps დახმარებით შეხედავთ, ამაში ადვილად დარწმუნდებით. იხ. სურ. ქვემოთ), თუმცა, ასაფრენ-დასაფრენი ბილიკების ასეთი სრულიად უნიკალური განლაგების პირობებშიც, დენვერის ინტერნაციონალურ აეროპორტს (DIA - Denver International Airport) კიდევ რჩება დამატებითი ტერიტორია.

რაც შეეხება სხვა დანარჩენს, ახალ აეროპორტს უფრო ნაკლები ასაფრენ-დასაფრენი ბილიკი აქვს, ვიდრე Stapleton-ს, უფრო ნაკლები რაბი ("შლუზი") (84) ვიდრე Stapleton-ს (111), მდებარეობს ქალაქიდან 25 მილის დაშორებით, რაც იმის ეჭვს ბადებს, რომ ხომ ახალი აეროპორტის მშენებლებს სხვა მიზანი ხომ არ ამოძრავებდათ, რასაც საგულდაგულოდ მალავენ.

ჯესი ვენტურას სატელევიზიო გადაცემის "შეთქმულების ზონა" (სრულიად, ინგლისურ ენაზე შეგიძლიათ იხილოთ ამ ლინკზე) ფრაგმენტის გაშიფვრა.

ჯესი ვენტურა მიწისქვეშა ბუნკერების მშენებელს, ბრაიან კემდენს შეხვდა (Brian Camden).

ჯესი: აშშ-ში რომელია ყველაზე დიდი ბუნკერი, რომელიც კი თქვენთვის არის ცნობილი?

ბრაიენი: კამერის წინ ამის თქმა არ შემიძლია, მაგრამ შემიძლია გითხრათ, რომ ბოლო 10 წლის განმავლობაში აშშ-ს მთავრობა მრავალ მიწისქვეშა თავშესაფრებს აშენებდა.

ჯესი: რამდენად დიდია ყველაზე დიდი ბუნკერი? მე არ გეკითხებით მის მდებარეობას.

ბრაიენი: ყველაზე დიდი ბუნკერი, როგორც მე ვიცი მოიცავს 100 000მ2. ის მთავრობამ ააშენა შუა დასავლეთ ნაწილში (ეს არის კოლორადო - რედ.) და განკუთვნილია სპეციალურად 2012-სთვის და სამთავრობო შენობების ქვეშ მდებარეობს.

ჯესის ჯგუფის წევრი: მაგრამ, თუკი თქვენ მიწისქვეშა თავშესაფრებს აშენებთ, ამის დამალვა ხომ შეუძლებელია, რადგან ამისთვის საჭიროა მრავალი ტექნიკა, რაც შეუძლებელია შეუმჩნეველი დარჩეს. 

ბრაიენი: არა, თუ თქვენ უკვე აშენებულ ნაგებობათა ქვემოთ აშენებთ, რომლებსაც 4-5 კვადრატული მილი უკავიათ. მაგალითად, თუ თქვენ ააშენებთ ძალიან დიდ აეროპორტს, ძალიან ადვილი იქნება მის ქვეშ დიდი თავშესაფრის გაკეთება.

ჯესის ჯგუფის წევრი: ეს რა, მინიშნებაა?

ბრაიენი: დიახ.

უეჭველია, რომ ბრაიენი დენვერის ახალ აეროპორტზე აკეთებდა მინიშნებას. ამ აეროპორტის ქვეშ რომ დიდი მიწისქვეშა სამალავია, უკვე მრავალი ლაპარაკობს. არსებობს საფუძველი ვიფიქროთ, რომ NORAD-ის (North American Aerospace Defense Command) და CMOC-ის ( Cheyenne Mountain Operations Center) ბაზები, რომლებიც კოლორადოში შაიენის (Cheyenne) მთასთან, აეროპორტიდან 120 კილომეტრზე მდებარეობენ, მასთან გრძელი გვირაბით არიან შეერთებულნი.


ასეთია დენვერის აეროპორტი ზემოდან (აშკარად ჩანს "სვასტიკის" ფორმა)

აპოკალიფსისის ფერმკრთალი ცხენი.
რას ნიშნავს ეს? პირველი, რაც თავში მომივიდა ამ საშინელი (უკიდურეს შემთხვევაში, აეროპორტისთვის მაინც) ქმნილების დანახვისას იყო ის, რომ გამახსენდა აპოკალიფსისი, სადაც მეოთხე, ფერმკრთალ (ჩალისფერ) ცხენს - სიკვდილი ეწოდება. "შევხედე და, აჰა, ჩალისფერი ცხენი, ხოლო სახელი მისი მხედრისა - სიკვდილი ჯოჯოხეთი მოსდევდა მხედარს და მიეცა მას ხელმწიფება მეოთხედზე დედამიწისა, რათა მუსრი გაავლოს მახვილითა და შიმშილით, სიკვდილითა და მიწიერ მხეცთა პირით" (გამოცხ. 6:8). საკმაოდ ექსტრემალურია სამოქალაქო აეროპორტისთვის, არა? ერთის შეხედვით არ მოგეჩვენება, რომ ცხენის ქანდაკებისთვის ადგილი სწორად იყოს შერჩეული. მაგრამ, ძალიან მალე მიხვდებით, რომ ის ბრწყინვალედ ერწყმის ყოველივე დანარჩენს დენვერის ახალ აეროპორტში.

ფაქტი: სკულპტურა, რომელიც 2008 წელს გაიხსნა, აეროპორტის გახსნამდე შეუკვეთეს მექსიკური წარმოშობის ამერიკელ სკულპტორს, ლუის ხიმენესს. ამ კოლოსალურ ძეგლზე ის მუშაობდა 2006 წლამდე, სანამ არ მოკლა... მის მიერ ჩამოსხმულმა დემონურმა ცხენმა, რომელიც თავზე დაეცა ხიმენესს. შედეგად, ცხენის ქანდაკება მისმა შვილებმა დაასრულეს.


ეს არის აპოკალიფსისის ფერმკრთალი ცხენი თუ ახალი მსოფლიო წესრიგის ტროას ცხენი?

დენვერის აპოკალიფსური ცხენი ღამით თვალებიდან "ცეცხლს" აკვესებს...
ჯერ კიდევ 20 წლის წინათ რას წარმოიდგენდნენ უბრალო ამერიკელები, რომ ქვეყნის შუაგულში იქ, სადაც უდიდესი დაბლობი კლდოვან მთებს უერთდება, მათ დაელოდებოდა სიკვდილის ჩალისფერი ცხენი. დღესაც კი, ამერიკელთა უდიდეს ნაწილს არ სურს იფიქროს და საკუთარ თავს დაუსვას შეკითვა, თუ რატომ დგას დენვერის აეროპორტში დემონური ცხენი, რომელსაც დაბერილი ძარღვები აქვს და ღამით ჩასულ სტუმარს წითელი, ცეცხლოვანი თვალებით ანათებს?

არის, ცხადია, განმარტება "ჩაიდნებისთვის" - თითქოსდა ეს შიშის მომგვრელი ცხენი, ველური ცხენის სიმბოლოა, რომელიც ადგილობრივი საფეხბურთო კლუბის "Denver Broncos" ლოგოზეა გამოსახული. მაგრამ, ზედაპირული შეხედვაც საკმარისია დაინახო, რომ ამ ორ გამოსახულებას არაფერი აქვს ერთმანეთთან საერთო, ასევე აშკარა ფაქტია ის, რომ მოცემულ სკულპტურაში მისმა შემქმნელებმა ჩადეს უარყოფითი ენერგეტიკა. ამგვარი უცნაური სკულპტურის არსებობის თვით ფაქტიც კი კურიოზად შეიძლებოდა აღქმულიყო, მაგრამ თუ კარგად დააკვირდებით გაირკვევა, რომ აპოკალიფსისის მოცემული ცხენი მასონურ-ოკულტური ანტურაჟის მხოლოდ ერთ ერთი შემაძრწუნებელი ელემენტია, რომლითაც სრულიად გამსჭვალულია დენვერის აეროპორტის მთელი გიგანტური კომპლექსი.

გამორიცხული არ არის, რომ ძირითადი იდეის გარდა, მოცემულ კომპლექს კიდევ გააჩნდეს სხვა, არანაკლებ მნიშვნელოვანი და დაფარული მიზანი; და შესაძლოა მის ძირითდ დანიშნულებაზე უფრო მეტიც. ამის შესახებ არაორაზროვნად მიანიშნებს ეშმაკის ცხენის სკულპტურა, როგორც უწოდებენ მას ადგილობრივი მცხოვრებლები და თვითმხილველები. მაგრამ, სანამ განვაგრძობდეთ შავბნელი სიმბოლიკის  დეტალურ განხილვას, რომელიც აქ ყოველ ფეხის ნაბიჯზეა მიმობნეული, ყურადღება მივაპყროთ ციფრებს. დაიჯერეთ, აქ ამ მხრივ, ბევრი რამ არის საყურადღებო.

ფაქტი: დენვერის საერთაშორისო აეროპორტი - ერთადერთი უმსხვილესი აეროპორტია აშშ-ში, რომელიც ბოლო 25 წლის განმავლობაში აუშენებიათ და მისი ფართობი შეადგენს 33,457 აკრს შეადგენს (ანუ ის ორჯერ უფრო დიდია ფართობზე, რომელიც უპყრია მანჰეტენს) და რაც ბევრად უფრო დიდია, ვიდრე აშშ-ს ნებისმიერი სხვა აეროპორტი. თავისი ღირებულების წყალობით (4,8 მილიარდი დოლარი 1994 წლის ფასებით), აეროპორტი უეჭველად ერთ ერთი ყველაზე მნიშვნელოვანი ობიექტია მთელს მსოფლიოში.

კონვეიერული და მიწისქვეშა ხაზების საერთო სიგრძე, რომლებიც სპეციალურ გვირაბებშია ჩამალული და რომლითაც ბარგის ტრანსპორტირება ხდება, 19 მილს (30 კმ) შეადგენს. ის იმდენად ფართეა, რომ მასზე თავისუფლად გაივლიან სატვირთო მანქანებიც, ხოლო მრავალი ხაზი დღემდე გამოუყენებელია და დაუტვირთველი.

აეროპორტის სახურავი, რომლის ფართობია 60 000მ2, გაკეთებულია ფაიბერგლასისგან მოქსოვილი და ტეფლონით დაფარული მასალით, თავისუფლად გამოდგებოდა "დიუნას" ტიპის  ფილმებისთვის, რადგან შედგება მრავალი წამახვილებული სტრუქტურისგან, რომელიც კარვებს წააგავს. აეროპორტი აღჭურვილია ბოჭკოვან-ოპტიკური კავშირით, რომლის საერთო სიგრძე 5300 მილია. ეს მდინარე ნილოსზე უფრო გრძელია და დაახლოებით შეადგენს იმ მანძილს, რაც ძევს ნიუ იორკსა და ბუენოს აირესს (არგენტინა) შორის! აეროპორტს ასევე გააჩნია კომუნიკაციური ქსელი, 11365 მილის სპილენძის კაბელით. როგორც აშშ-ში, ასევე მსოფლიოშიც, არცერთი ხალხმრავალი აეროპორტი, როგორც DIA არ ფლობს მსგავს რამეს.

მიუხედავად იმისა, რომ ველი, სადაც განლაგებულია კომპლექსი, პრაქტიკულად სწორია (კლდოვანი მთეების გასაოცარი ხედით), მშენებლობის ძირითადი დრო დაიხარჯა იმაზედ, რომ არსებითად დაეწიათ გრუნტის გარკვეული მონაკვეთები და აეწიათ სხვები. მათ გადააადგილეს 110 მილიონი კუბიკური იარდის გრუნტი! სხვათა შორის ეს არის იმ გრუნტის დაახლოებით მესამედი, რომელიც პანამის არხის ასაშენებლად გამოიყენეს. არაფერი ამდაგვარი რომელიმე სხვა აეროპორტის მშენებლობისას არ მსმენია. თქვენ? ამასთანავე, ცნობილია, რომ აეროპორტის ქვეშ განლაგებულია უზარმაზარი მიწისქვეშა კომპლექსი.

კომპლექსის თითოეული ნაწილის ასაშენებლად დაქირავებული იყო ცალკეული მეიჯარე (მენარდე), რომლებთანაც რაჟამსაც დაასრულეს თავიანთი საქმე, მაშინათვე გაწყვიტეს კონტრაქტი. მრავალი სეკპტიკოსის აზრით ასე იმიტომ მოხდა, რომ პროექტის ავტორებს სურდათ დაემალათ მისი მეორე და უმთავრესი დანიშნულების არსი.

საწვავის სისტემას ტურბომილების მეშვეობით, რომლის საერთო სიგრძე 28 მილია, წუთში 1000 გალონი რეაქტიული საწვავის ამოტუმბვა შეუძლია. აქვეა 6 უზარმაზარი საწვავის ტანკერიც, რომელთაგან თითოეულის მოცულობაა 2,73 მილიონი გალონი რეაქტიული საწვავი. ეს სრულიად აბსურდულია ჩვეულებრივი, კომერციული აეროპორტისთვის. საინტერესოა, რაში სჭირდებათ მათ ეს ყოველივე?

გრანიტი, რომლის ღირებულებაა 2 მილიარდი (!) დოლარი და რომელიც მოსაპირკეთებლად იქნა გამოყენებული, დედამიწის ყველა კუთხიდან ჩამოზიდეს; კერძოდ: აზიიდან, აფრიკიდან, ევროპიდან და ჩრდილოეთ და სამხრეთ ამერიკიდან. მისგან არის მოპირკეთებული მთავარი ტერმინალის იატაკი. როგორია, - 2 მილიარდი დოლარის ღირებულების იატაკი?!... განა ეს სახსრების უაზრო ხარჯვა არ არის, განსაკუთრებით მაშინ, როდესაც ვერ თავსდებით ბიუჯეტის ფარგლებში? აეროპორტის შემქმნელები ამბობენ, რომ "იატაკის მოხატულობა ეხმაურება სახურავის დიზაინს და ფაქიზ დონეზე მხარს უჭერს "გრანიტის იატაკზე მიმდინარე" მგზავრთა ნაკადს... მაგრამ, უნდა ვიფიქროთ, რომ იატაკი ასევე კარგი იქნებოდა, მისი მასალა უფრო ახლო მანძილიდან რომ მოეზიდათ. ბევრი გაარჩევს ჩილედან ჩამოტანილ გრანიტს ჩინური გრანიტისგან? და საერთოდ, ფიქრობენ კი აეროპორტში მომსვლელები იმაზე, რისგან არის დაგებული იატაკი: მასზე ხომ მაინც უნდა გაიარო და არ დააგვიანო საკუთარ რეისზე. საინტერესოა, რას ფიქრობენ ამაზე ის ადამიანები, რომლებიც მიიჩნევენ, რომ ქვებს გააჩნიათ ძალაუფლება (ამ შემთხვევაში მე სხვადასხვა საიდუმლო ორგანიზაციათა სარწმუნოებრივ სისტემას ვგულისხმობ)?

მაგრამ, ყველაზე საინტერესო ყოველივე ამაში გახლავთ შოკის მომგვრელი ფრესკები, საიდუმლო ნიშნები და წარწერები ცნობილ თუ უცნობ ენებზე, რომლებიც კედლებსა და იატაკზეა განთავსებული. ასევე უცნაურ არტეფაქტებზე, რომლებიც აეროპორტის შიგნით და გარეთ მდებარეობს. შეხედეთ ყოველივე ამას და თქვენთვის გადაწყვიტეთ, არის კი მათში საკუთრივ აეროპორტისთვის აუცილებელი რაიმე ნიშანწყალი?

ადამიანთა უდიდეს სიმრავლეს სჯერა: დენვერის საერთაშორისო აეროპორტი (DIA) აშენებულია ახალი მსოფლიო წესრიგისთვის. ისინი დარწმუნებულნი არიან, რომ DIA უნდა გახდეს ახალი მსოფლიო წესრიგის შტაბ-ბინა, იქვეა მოწყობილი ელიტისთვის განკუთვნილი მიწისქვეშა თავშესაფრები, სამხედრო ბაზა და სიკვდილის გიგანტური, საკონცენტრაციო ბანაკი. ეს რეალობა მიანიშნებს, რომ დსა (DIA) ასევე შესაძლებელია გახდეს ახალი მსოფლიო წესრიგისთვის, ადამიანთა მასობრივი განადგურების ერთ ერთი ცენტრი.

ეს საინტერესოა: ცნობილი ტელეწამყვანი ჯესსე ვენტურა (Jesse Ventura) თავის გადაცემაში, რომელიც 2012 წლის პრობლემას ეხება, ამტკიცებს, რომ დენვერის აეროპორტი აშენებული იყო მხოლოდ ერთი მიზნით, დაეფარათ კოლოსალური, მიწისქვეშა ნაგებობათა კომპლექსი, რომელიც ამერიკული ელიტის თავშესაფრად არის გამიზნული. იქ განლაგდება აგრეთვე ახალი მსოფლიო წესრიგის დასავლეთის სექტორის სამეთაურო პუნქტი. 


მემორიალური დაფა დენვერის აეროპორტში

წითლად ხაზგასმულ ადგილას წერია: "ამ ქვის ქვეშ მდებარე დროის კაფსულა შეიცავს საგულისხმო შეტყობინებას 2094 წლის კოლორადოს მოსახლეობისთვის "

ქვემოთ ჩანს წარწერა: New world airport comission ( "ახალი მსოფლიოს აეროპორტის კომისია")
მაგრამ დენვერის აეროპორტი ღირსშესანიშნავია არა მარტო ზემოდან, რადგან უტილიტარულის გარდა ამ კომპლექსს კიდევ ოკულტური დატვირთვა გააჩნია. მთელი კომპლექსი გამსჭვალულია შავბნელი კულტის წინასწარმეტყველური სიმბოლიკიტ, რომელიც ახალი მსოფლიო წესრიგის მოახლოვებაზე მოგვასწავებსსა (როდესაც დედამიწის მოსახლეობას ერთიანი მსოფლიო მთავრობის ხელისუფლების ქვეშ გააერთიანებენ). 

გახსენით GOOGLE სისტემის საძიებელი საიტი და აკრიფეთ ორი სიტყვა "denver airport", საძიებელი სისტემა იქვე, პირველივე მწკრივში შემოგთავაზებთ სათაურს: "denver airport conspiracy" (დენვერის აეროპორტის შეთქმულება) და მხოლოდ ამის შემდეგ სხვა დანარჩენს (განლაგება, განაწესი, რუქა, სასტუმროები, ამინდი). ეს იმიტომ, რომ თავისი შექმნის დღიდან აეროპორტი დენვერში გახდა მრავალგვარი სპეკულაციის, ჭორების და ათასგვარი ვერსიების საგანი, რომელთა უმეტესობა იმაში თანხმდება, რომ დენვერის აეროპორტი არის ახალი მსოფლიო წესრიგის დამყარების ერთ ერთი სიმბოლო, რომელიც იმის შემდეგ დადგება, რაც მსოფლიო ელიტა ჩვენს პლანეტაზე მოაწყობს მასობრივ გენოციდს, რომლის შედეგადაც დედამიწის მოსახლეობა შემცირდება 500 მილიონ ადამიანამდე (1).



მემორიალური დაფის ზედა ნაწილი (მარცხენა კუთხეში ამოხატულია მასონური სიმბოლო)
გაუგებარი ნიშნები და სიმბოლოები კედლებსა და იატაკზე მნახველზე გამაოგნებელ შთაბეჭდილებას ტოვებს. მაგალითად, აეროპორტის დარბაზის ყველაზე თვალსაჩინო ადგილას, რომელიც, სხვათა შორის, მასონური ლოჟების სააქტო დარბაზებს წააგავს და Great Hall-ად იწოდება, მდებარეობს "უცხოპლანეტელთა" ფუტურისტული კოსმიური ხომალდების სამართავი პულტის მსგავსი რაღაც (სხვა სახელს ვერ ვუძებნით - რედ.), რომელიც, თუ ახლოდან დავაკვირდებით, მემორიალური დაფას წარმოადგენს, თანაც, ძალიან უცნაურს:

ამაზე უცნაურია წარწერა, რომელიც ამ დაფას ამშვენებს და რომელსაც ხელს აწერს ახალი მსოფლიოს აეროპორტის კომისია. გსმენიათ ოდესმე ამგვარი ორგანიზაციის შესახებ? არა? არც მე... რადგან, ასეთი ორგანიზაცია ბუნებაში არ არსებობს. მაშ, რატომ არის ის ნახსენები მემორიალურ დაფაზე, როგორც მოცემული აეროპორტის შემქმნელი?


რას ნიშნავს Austrailian Antigen ანუ ოქრო და ვერცხლი?
აეროპორტის გრანიტის იატაკი ასევე საიდუმლო სიმბოლიზმით არის გამსჭვალული. აქ შეხვდებით უამრავ უცნაურ ნიშანს. ჩვენი განსაკუთრებული ყურადღება მიიპყრო ერთ ერთმა მათგანმა, კერძოდ, ფილამ, რომელსაც აწერია ასოები: AU AG. ზოგიერთის აზრით ეს უბრალოდ ოქროსა და ვერცხლზე მიანიშნებს. შესაძლოა, მაგრამ საგულისხმოა, რომ აეროპორტის ერთ ერთი სპონსორია ნობელის პრემიის ლაურეატი მედიცინის დარგში ბარუხ სამოელ ბლუმბერგი (Baruch Samuel Blumberg), რომელმაც ახალი მომაკვდინებელი სნეულება აღმოაჩინა და უწოდა მას "ავსტრალიური ანტიგენი". ალბათ უკვე მიხვდით, რომ ისიც ასე იწერება: AU AG.

რა არის ეს? დამთხვევა? შესაძლოა, მაგრამ მოგვიწევს შერიგება ერთ დამთხვევასთან: ეს ფილა განთავსებულია იატაკზე კედელზე გამოსახული იმ ფრესკის პირდაპირ, რომელსაც ეწოდება "გენოციდი".

ფრესკა "გენოციდი"
იატაკში სპილენძის მრავალი ჩანართებია, რომელიც გაუგებარ არტეფაქტებს გამოხატავს (თქვენ უკვე წაიკითხეთ სიტყვები Au Ag), გარეუბნებში ნაპოვნი ამომწყდარი ცხოველები, ასევე ამერიკელ ინდიელთა სიტყვები, რომელსაც გააჩნიათ მისტიკური შინაარსი. ან კიდევ, მემორიალური დაფის გვერდით, იატაკზე, თქვენ შეგიძლიათ ნახოთ თავწაკვეთილი ინდიელი, რომელიც ლიანდაგის მსგავს საგანზე წევს... რას უნდა ნიშნავდეს ეს? დაკავშირებულია თუ არა იგი ფრესკაზე გამოსახულ გილიოტინასთან, რომელიც ჩვენ ზემოთ აღვწერეთ? 

აეროპორტში თქვენ ვერ იპოვით ვერც ერთ საინფორმაციო დაფას, რომელიც აუხსნიდა მგზავრებს და აეროპორტის სტუმრებს ყველა ამ ჩანართისა და გამოსახულების მნიშვნელობას (ისევე როგორც სხვა უცნაურობებისა, რომლებიც ამ აეროპორტის ტერიტორიაზე მდებარეობს), რაც გვაიძულებს აჩქარებით გადავაბიჯოთ ყოველივე ამას და შევძახოთ: ვაუ, ამას აქ რა უნდა, ნუთუ ეს ჩვენთვის არის გამოხატული?


Mt Blanca (საინტერესოა, დაკავშირებულია თუ არა ეს მონბლანის მთასთან?)
თეთრი მთა (Mt. Blanca) ნავაჰოს ტომის ერთ ერთი წმიდა მთაა ოთხიდან და ის შესაძლებელია მონბლანის (საფრანგეთი) ერთგვარი გამოხმაურება იყოს (Mt. Blanc), ადგილთან, სადაც ტამპლიერებმა ხელი მოაწერეს თავიანთ წესდებას. მათი მატიანე ამ მოვლენის შესახებ ასე გვაუწყებს: "ისინი შეიკრიბნენ ერთად, რათა ჩამოეყალიბებინათ ახალი მსოფლიო წესრიგი და იხსენებდნენ სიტყვებს, რომლებითაც ღმერთმა სიზმარში დააჯილდოვა სოლომონი..." ისევ და ისევ ჩვენს წინაშეა საინტერესო კავშირი, რომელსაც ახალ მსოფლიო წესრიგთან მივყავართ და რომლის შესახებაც ლაპარაკობს ყოველი წამყვანი პოლიტიკოსი და მთელი მსს. დენვერის აეროპორტის კედლის ფრესკები, ყველაზე თვალსაჩინო და საინტერესო მონახაზია. ძირითადი ფრესკები განლაგებულია 4 კედელზე და მათი ავტორი გახლავთ მექსიკური წარმოშობის მხატვარ-მონუმენტალისტი ლეო ტანგუმა (Leo Tanguma), რომელიც არის მაიას ტომის ინდიელთა პირდაპირი შთამომავალი (ძალიან ბევრი მექსიკელი ხომ არ არის ერთი აეროპორტისთვის?). იტყვით ამას რა მნიშვნელობა აქვსო? შესაძლოა არავითარიც, რომ არა ერთი საინტერესო დამთხვევა, ერთ ერთი ფრესკა შეიცავს არაორაზროვან მინიშნებას მაიას კალენდარზე, რომელიც ვითოცმდა 2012 წლის დეკემბერს სამყაროს დაღუპვას უქადის.

მშვიდობასა და ბუნებასთან ჰარმონიაში... გენოციდის შემდეგ.
ერთ ერთი ფრესკის სახელწოდებაა: "მშვიდობასა და ბუნებასთან ჰარმონიაში", რომელზეც გამოსახულია სიკვდილისა და ნგრევის შემაძრწუნებელი გამოსახულებები. ფრესკა ასახავს სიკვდილსა და ნგრევას. მასზე გამოხატულია კვამლში გახვეული ქალაქი და ცეცხლმოდებული ტყე... მარტოდენ ეს ერთი ფრესკა გვამცნებს ჩვენს ამ სამყაროს დაღუპვაზე და იმ განზრახვაზე, რომ უნდა შენარჩუნებულ იქნას სიცოცხლის რაღაც ნაწილი. ფრესკის წინა პლანზე გამოსახულია სამი მკვდარი დედაკაცი, რომლებიც კუბოებში წვანან: აფროამერიკელი, ამერიკელი აბორიგენი და გოგონა, რომელიც ეკუთვნის თეთრ რასას და ხელში ბიბლია უჭირავს. რაც ალბათ რელიგიურ ან სხვა იდეურ მოწინააღმდეგეთა დაღუპვაზე მიანიშნებს. უკანა პლანზე შეგვიძლია დავინახოთ, როგორ ნთქავს ცეცხლი ტყესა და ქალაქებს და თუ ვინმესთვის ეს სურათი მშვიდობისა და ჰარმონიის გამოხატულებაა და არა ნგრევისა და სიკვდილისა, ამ ადამიანს სერიოზულად ჰქონია დარღვეული რეალობის აღქმის უნარი. საინტერესოა აგრეთვე სურათზე გამოსახული შუშის გალიები ცხოველებისთვის, რომლებიც განიმარტება, როგორც მცდელობა ბირთვული ან ბიოქიმიური ომისგან გადაარჩინონ ცოცხალი ბუნების რაღაც ნაწილი.


გაგრძელება მომდევნო გვერდზე: >>>>>
 
ელ. ფოსტა: 
apocalypticsite@gmail.com