სხვადასხვა > ufo
რატომ ამზადებს ელიტა სამყაროს უცხოპლანეტელთა რწმენისთვის?
სხვა სამყაროებში სიცოცხლის არსებობის რწმენა უკვე აღარ არის შეთქმულების თეორია და მან მყარად დაიმკვიდრა ადგილი მასობრივ ცნობიერებაში. ის, რაც ოდესღაც ვებგვერდებისთვის სენსაციურ მასალად მოიაზრებოდა, დღეს სამეცნიერო კვლევებში, პოლიტიკურ გამოსვლებში, ოფიციალურ მოსმენებზე და ეროვნული უსაფრთხოების საკითხებზე გამართულ დებატებში ჩნდება.
ცოტა ხნის წინ ბრაზილიელმა ბლოგერმა, მაიკ ლეაუმ, რომელიც კურიტიბას რეგიონის სოფელში, კამპო-ლარგუს მიდამოებში, საკუთარ მამულში იმყოფებოდა, უცნაური გამოვლინებები შენიშნა. საკუთარი აივნიდან მან გადაიღო პეიზაჟში შემჩნეული უჩვეულო ნათებები და ვიდეო "ინსტაგრამზე" განათავსა. მოკლე დროში ის, რაც მხოლოდ პირად გვერდად მოიაზრებოდა, სოციალურ ქსელებში მყისიერად გავრცელდა.
მაიკის თქმით, პირველი ნიშნები გვიან დილასა და შუადღის დასაწყისს შორის გამოჩნდა. მისივე განცხადებით, ცხოველების ქცევაში შეიმჩნეოდა შეშფოთება, თითქოს გარემოში რაღაც შეიცვალა, მანამ სანამ თავად გაიგებდა, თუ რა ხდებოდა. შეცბუნებულმა გადაწყვიტა ისინი სახლში შეეყვანა. სიფრთხილის ზომად კი მან მშვილდ-ისარი აიღო, რომელიც სახლში ინახებოდა.
ამ ინციდენტიდან რამდენიმე საათში გამოჩნდა ჩანაწერი, რომელმაც ინტერნეტი ააფეთქა. აივნიდან მაიკმა მთის მიდამოებში სინათლის ნათებები შენიშნა, რომელიც შორიდან მოსჩანდა. მისი თქმით, ისინი იმდენად მაღლა არ იყვნენ, რომ ბორცვს გასცდენოდნენ, და არც იმდენად დაბლა, რომ მიწაზე ყოფილიყვნენ. გეგონებოდათ, რომ ისინი ლანდშაფტის შუალედურ ზონაში, ჰაერში იყვნენ გაჩერებულნი.
მას შემდეგ მასმედია უცხოპლანეტელთა არსებობის რწმენას ამყარებდა და ეს რწმენა სოციალურ ქსელებში მგრძნობიარე და შთაბეჭდილებიან ახალგაზრდებშიც გავრცელდა.
ეს მედიური დღის წესრიგი რომ უკეთ გავიგოთ, უნდა დავუბრუნდეთ 1953 წელს, როდესაც რომანი "ბავშვობის დასასრული" გამოქვეყნდა.
უცხოპლანეტელები?
არტურ კლარკის წიგნის "ბავშვობის დასასრულის" გარეკანი
არტურ კლარკის წიგნში "ბავშვობის დასასრული" აღწერილია უზარმაზარი კოსმოსური ხომალდები, რომლებიც დედამიწის დიდი ქალაქების თავზე დაფრინავენ, და მათი მკვიდრნი, რომლებიც უსასრულოდ უფრო განვითარებული ცივილიზაციის წარმომადგენლები არიან. ისინი მოდიან როგორც კოსმოსური მშვიდობის მცველები, რომლებმაც დაასრულეს კონფლიქტები და შეამცირეს ტანჯვა.
ერთი შეხედვით, ისინი გამათავისუფლებლებად ჩანან. თუმცა მათ დიდი დრო სჭირდებათ, რათა თავიანთი ნამდვილი ბუნება გამოავლინონ. როდესაც ისინი საბოლოოდ წარდგებიან კაცობრიობის წინაშე, მათ აქვთ რქები, ფრთები და კუდი. სხვა სიტყვებით რომ ვთქვათ, სწორედ ის ელემენტები, რომლებიც საუკუნეების განმავლობაში აყალიბებდნენ ეშმაკის ტრადიციულ სახეს ადამიანის წარმოსახვაში.
კაცობრიობამ მიიღო ღვთაებრივი გამოსყიდვის აღთქმა, მაგრამ საბოლოოდ ბავშვები ინტეგრირდებიან არაპიროვნულ კოსმოსურ ცნობიერებაში და დედამიწა განადგურებისკენ მიემართება.
სიმბოლური სტრუქტურა ნათელია. არაადამიანური გონება საკუთარ თავს აღმატებულად წარმოაჩენს, გვთავაზობს მშვიდობას, ცოდნასა და ევოლუციას, სანაცვლოდ კი ითხოვს იმას, რაც კაცობრიობას განსაზღვრავს.
ეს მხოლოდ ლიტერატურაში როდი ხდება. მრავალწლიან გამოცდილებაზე დაყრდნობით, ზოგიერთი ეგზორცისტი ამტკიცებს, რომ უცხოპლანეტელთა ფენომენი შესაძლოა უბრალოდ იმავე უძველესი დემონური თანაყოფნის განახლებული სახე იყოს.
მაგალითად, მამა ჩად რიპერგერი ერთ-ერთია იმათ შორის, ვინც ამ მოსაზრებას იცავს.
"როგორც ეგზორცისტმა, მინდა ყურადღება გავამახვილო ამ საფრთხეზე. კერძოდ, იმაზე, რომ დემონებს დამალვა უყვართ. მათ არ სურთ ვიცოდეთ რას სჩადიან, რამეთუ მათი მოქმედება უფრო შედეგიანია, როცა ამას ვერ ვაცნობიერებთ. პირადად მე მიმაჩნია, რომ, სავარაუდოდ, ამოუცნობი მფრინავი ობიექტების სახით მოვლენილ არსებათაგან ბევრი, თუ არა უმრავლესობა, სინამდვილეში დემონები არიან.ფუტურიზმმა და კათოლიკურმა ეკლესიამ ეგზორცისტი თანამდებობიდან გაათავისუფლა მას შემდეგ, რაც მან განაცხადა, რომ ამოუცნობი მფრინავი ობიექტები დემონები არიან".
არსებობს მოწმობები, რომლებიც ამ ეჭვებს ადასტურებს. ადამიანები, რომლებიც ამტკიცებენ, რომ "უცხოპლანეტელებმა" ისინი გაიტაცეს, ამბობენ, - იესუს სახელის მოხმობის შემდეგ ეს განცდა წყდებაო, თითქოს კოშმარი იყოს. უფრო მეტიც, ამ სავარაუდო არსებათაგან ბევრი აცხადებს, რომ მოვიდნენ კაცობრიობის გადასარჩენად და ჩვენი ევოლუციის წარსამართად.
როდესაც რაიმე არსება საკუთარ თავს მაცხოვრად წარმოადგენს, აღგვითქვამს გამოსყიდვას და სულიერ ნდობას ითხოვს, ჩვენ შესაძლო იმიტაციას ვაწყდებით. მიუხედავად იმისა, რომ ეკლესია ოფიციალურად არ ასწავლის უცხოპლანეტელები დემონები არიანო, ქრისტიანული ტრადიცია კარგად იცნობს სულიერი მოტყუების მოდელს.
მაგალითად, გადმოცემების მიხედვით, წმიდა ანტონიმ უდაბნოში დიდი ვერცხლის დისკო იპოვა. იმის ნაცვლად, რომ აღტაცებული დარჩენილიყო, მან ეს მტრის ხრიკად აღიქვა, რის შემდეგაც დისკო გაქრა.
მსგავსი აღწერები არა მარტო ადრეულ ქრისტიანობაში გვხვდება. რომაული მატიანეები უკვე იხსენიებდნენ მანათობელ "ფარებს", რომლებიც ცას კვეთდნენ. 1561 წელს ნიურნბერგში (გერმანია), მოწმეები აღწერდნენ სფეროებს, დისკოებსა და კაშკაშა ფიგურებს, რომლებიც, სავარაუდოდ, საჰაერო ბრძოლაში იმყოფებოდნენ.
სანამ ჰოლივუდი თანამედროვე ადამიანს უცხოპლანეტელთა წარმოდგენას შეაჩვევდა, 1904 წელს, ეგვიპტეში თავის მეუღლესთან, როუზთან ერთად მოგზაურობისას, ალისტერ ქროულმა შექმნა "Liber Legis", ანუ "კანონის წიგნი".
მისივე თქმით, როუზმა იგი კაიროს მუზეუმში წაიყვანა და აჩვენა ანხ-ეფ-ენ-ხონსუსთან დაკავშირებული სამარხის სტელა. ქროულზე დიდი შთაბეჭდილება მოახდინა სტელაზე ამოკაწრულმა რიცხვმა — 666-მა, გამოცხადების მხეცის რიცხვმა. მოგვიანებით, ეგვიპტეში გამართული რიტუალების დროს, ის ამტკიცებდა, რომ მიიღო გზავნილები არსებისაგან, რომელსაც აივასი ერქვა.
აივასის გამოსახულება, შესრულებული ქროულის მიერ. აჩვენეთ ის მეცხრამეტე საუკუნის რომელიმე ადამიანს და იგი, სავარაუდოდ, იტყვის: "დემონურ არსებას ჰგავს". აჩვენეთ იგივე ფიგურა დღეს და ბევრი უყოყმანოდ გიპასუხებთ: "ეს უცხოპლანეტელია".
ამას სიმბოლური ინვერსია შეიძლება ეწოდოს. ერთი და იგივე სიმბოლო საუკუნეებს გაივლის, თუმცა თითოეული ეპოქის დომინანტურ ენას მოირგებს. ცა შეიძლება იგივე დარჩეს, მაგრამ თვალები იცვლება. კარლ იუნგი მფრინავი თეფშების კვლევისას ღრმა აზრს ჩაწვდა.
იუნგისთვის ყველაზე მნიშვნელოვანი კითხვა სულაც არ არის: "არსებობენ თუ არა ამოუცნობი მფრინავი ობიექტები?". მნიშვნელოვანი კითხვა ისაა, თუ რატომ უნდა ირწმუნოს ამდენმა ადამიანმა მათი არსებობა? მისი აზრით, ეს ფენომენი თანამედროვე ადამიანის კოლექტიურ სულში აზრის ჟინსა და უცნობისადმი შიშს ავლენს. კაცობრიობას არასოდეს შეუწყვეტია თავის ზემოთ არსებული ნიშნების ძიება, მან მხოლოდ მათი სახელწოდებები შეცვალა. თუ ადრე იგი ანგელოზებსა და დემონებს ხედავდა, ახლა გალაქტიკურ ცივილიზაციებს ხედავს. შესაძლოა, მთავარი ილუზია მოვლენათა იმ ვერსიაში იმალებოდეს, რომელსაც ჩვენ ამ ფენომენის ასახსნელად ვიღებთ.
დიდი ილუზია
ამ მოვლენის ყველაზე დამაინტრიგებელი ასპექტი ადამიანურ წარმოსახვაში იმალება. როდესაც საზოგადოება საკუთარ საფუძვლებს კარგავს, ის ახალი საკურთხევლების ძიებას იწყებს. თანამედროვე ადამიანმა უარი თქვა ძველ რწმენებზე, აღარ ენდობა რელიგიას, დაიღალა პოლიტიკით, მაგრამ კვლავაც განიცდის იმავე სულიერ ჟინს, რასაც ყოველთვის განიცდიდა.
ჩვენ ვცხოვრობთ ისეთ თაობაში, რომელიც ფსიქოლოგიურად მომზადებულია იმისთვის, რათა არაადამიანური ინტელექტი ავტორიტეტის კანონიერ წყაროდ აღიქვას.
მთავრობების, მასმედიისა და ინსტიტუტების მიმართ ნდობა შეირყა. თუმცა, ამავდროულად, იზრდება ინტერესი ხელოვნური ინტელექტის, ავტონომიური ტექნოლოგიების, არამიწიერი არსებებისა და კოსმოსური ცნობიერების მიმართ. ადამიანი, რომელსაც აღარ სურს ღვთის წინაშე მუხლის მოდრეკა, სულ უფრო ხშირად არის მზად, დაემორჩილოს მანქანას, კოსმოსურ ხომალდს ან არსებას, რომელიც საკუთარ თავს უფრო განვითარებულად წარმოაჩენს.
სწორედ ამ მომენტშია აუცილებელი, ყურადღებით მივადევნოთ თვალი მიმდინარე სიტუაციას. ბოლო წლებში შეერთებულმა შტატებმა ადრე გასაიდუმლოებული მასალების გამოქვეყნება დაიწყო. სამხედრო მოხელეებმა, კონგრესმენებმა და მსხვილმა მედიასაშუალებებმა უარი თქვეს ხუმრობის ტონზე და ამოუცნობ მფრინავ ობიექტებზე (ამოუცნობ საჰაერო მოვლენებზე) სერიოზულად ალაპარაკდნენ.
რატომ სწორედ ახლა? მტკიცებულებები, მოწმეთა ჩვენებები და დოკუმენტები ათწლეულების განმავლობაში საიდუმლოდ ინახებოდა. შეიცვალა მხოლოდ ამ მოვლენის წარმოჩენის წესი. ეს არ არის შემთხვევითი გაჟონვა. ეს პროცესია. ელიტამ გადაწყვიტა, რომ დროა, ეს საკითხი სარდაფიდან ამოიღოს და საყოველთაო განხილვისთვის გამოიტანოს.
და რა ხდება, თუ რეალური მოვლენა თავად გამოცხადებაა? ჯერ ამ საკითხს შეთქმულების თეორიათა სფეროდან გამოიყვანთ, შემდეგ კი ოფიციალურ სახეს მიანიჭებთ.
მაგრამ კვამლის ყოველი ფარდა იმისთვისაა გაბმული, რომ რაიმე დაფაროს. სანამ ყველა ცას უცქერს რა რჩება უხილავი დედამიწაზე? დიახ, ეს ეპშტეინის საქმეებია.
ბოროტმოქმედებათა სატანური ქსელი, რომელშიც გავლენიანი პირები არიან ჩაბმულნი, ჩრდილოვანი დანაშაულები და მძლავრ ადამიანებთან არსებული მჭიდრო კავშირები. სკანდალი იმდენად საზარელია, რომ მის დასაფარავად კიდევ უფრო მომაჯადოებელი სანახაობაა საჭირო.
რა შეედრება ამას? უცხოპლანეტელთა შესაძლო მოვლინება. ახლა კი დააკავშირეთ ეს ახალი რეალობა გლობალურ მმართველობასთან, ცხოვრების სრულ ციფრულ გარდაქმნასთან, 2030 წლის დღის წესრიგთან, ტექნოლოგიურ მეთვალყურეობასა და ეკონომიკურ-სოციალურ გადაწყობასთან. ყოველ ღრმა გარდაქმნას სჭირდება თავისი ნარატივი, რათა ის მისაღები გახდეს. ადამიანები გაცილებით იოლად ეგუებიან რადიკალურ ცვლილებებს, როცა სწამთ, რომ უდიდეს საფრთხეს ან დიდებულ ხსნას ეჯახებიან.
მცირედ თხრობას შესწევს იმხელა ძალა, რამდენიც ამბავს უზენაესი ძალის შესახებ, რომელიც პლანეტარულ ერთიანობას მოითხოვს.
რა თქმა უნდა, საჭიროა ბალანსი. ამოუცნობი მფრინავი ობიექტების ყველა შემთხვევა არ იმსახურებს ნდობას. არსებობს მისტიფიკაციები, ინსცენირებები, შარლატანობა, მასობრივი ისტერია და ბევრი ადამიანი ამ საიდუმლოს სატყუარად იყენებს ყურადღების მისაპყრობად. თუმცა არსებობს ისეთი ეპიზოდებიც, რომელთა უგულებელყოფა ძნელია, რადგან ისინი მოწმეთა ჩვენებებით, დოკუმენტებით, ჩანაწერებითა და სერიოზული გამოძიებებით არის გამყარებული.
არ შეიძლება ყველაფრის უბრალოდ უარყოფა. არსებობს ისეთი მოვლენები, როგორიცაა ოპერაცია "პრატო" ბრაზილიაში, ვარჟინიას საქმე, როზუელი და მრავალი სხვა, რომლებიც ანალიზს, სიფრთხილესა და განსჯას მოითხოვენ.
1996 წლის 20 იანვარს ახალგაზრდა კატია ანდრადე შავიერმა და დებმა, ლილიან დე ფატიმა სილვამ და ვალკირია აპარეციდა სილვამ განაცხადეს, რომ დაინახეს არსება, როდესაც ჟარდიმ-ანდერეს რაიონში მიწის ნაკვეთს გადადიოდნენ.ისინი ჩვეულებრივ თავიანთ მარშრუტს მიუყვებოდნენ, მაგრამ გადაწყვიტეს გზა შეემოკლებინათ და ჟარდიმ-ანდერესა და სანტანას უბნებს შორის მდებარე მიწის ნაკვეთზე გაევლოთ. იმ დროს ამ რაიონში ახალი საცხოვრებელი კომპლექსი და მოედანი შენდებოდა.კედელთან ჩავლისას, სახელოსნოს მახლობლად, დებს თავიანთი მეგობრის, კატიას ყვირილი მოესმათ. მისი მზერის მიმართულებით რომ გაიხედეს, დაინახეს ჩამჯდარი არსება. ყვირილით მან თავი ახალგაზრდა ქალებისკენ მიაბრუნა და რამდენიმე წამის განმავლობაში მათ უმზერდა.დებმა განაცხადეს, რომ არსებას კანზე ვენების მსგავსი ნიშნები და თავზე რაღაც გამობერილობები ჰქონდა. რამდენიმე წამის განმავლობაში არსებაზე დაკვირვების შემდეგ, სამივე სასოწარკვეთილი გაიქცა.მათი თქმით, გოგონები მოვლენის ადგილას დედასთან ერთად დაახლოებით 25 წუთში დაბრუნდნენ. მათ ვეღარაფერი იპოვეს, მიწაზე მხოლოდ კვალი ჩანდა, იდგა აღუწერელი სუნი და ძაღლი, რომელიც იქაურობას ყნოსავდა. გავრცელებული ინფორმაციით, ახლომახლო მომუშავე კალატოზმა თქვა, რომ მეხანძრეებმა "ეს უცნაური არსება" უკვე წაიყვანეს.- G1, "ვარჟინიას უცხოპლანეტელის ამბავს 28 წელი შეუსრულდა და გამოცხადების მოწმე აცხადებს: არასოდეს არის ადვილი გახსენება".
ბოლოთქმა
თუკი ზოგიერთ მოვლენას რეალობის გარკვეული ხარისხი გააჩნია, რატომ გადაწყვიტა მაცდურმა სულიერმა გონებამ სწორედ უცხოპლანეტელის სახით გამოცხადებულიყო? პასუხი, შესაძლოა, თავად იმ გზავნილში იმალებოდეს, რომელიც ამ არსებებს მიეწერება.
თითქმის ყოველთვის ისინი ამბობენ, რომ მოდიან, რათა გვიხელმძღვანელონ, დაგვიცვან, გამოგვაღვიძონ და ახალი ეპოქისთვის მოგვამზადონ. ისინი კაცობრიობის მოძღვრების როლში წარდგებიან. თუმცა ქრისტიანობისთვის ეს როლი უკვე იესუ ქრისტეს ეკუთვნის. ეს ჩანაცვლება მზაკვრული და სახიფათოა, რამეთუ სულიერი ხსნა ტექნოლოგიურით იცვლება. გატაცებათა შესახებ თხრობებში კაცობრიობა საკუთარ არსს კარგავს და საჭირო ხდება უზენაესი არსებების ჩარევა.
მწამს, რომ მსგავსი ნარატივი არ გაქრება. პირიქით, რაც უფრო ღრმად ეფლობა სამყარო კრიზისში, მით უფრო მეტად მოელის იგი დიდებულ ხსნას. და როდესაც ცაში გამოჩნდება რაიმე, რაც მარტივ პასუხებს, საყოველთაო მშვიდობას, გლობალურ ერთიანობასა და აკრძალულ ცოდნას შემოგვთავაზებს, აუცილებელი იქნება წმიდა ანტონი გავიხსენოთ. უდაბნოში უცნაურ ნათებასთან შეხვედრისას ის არ მოხიბლულა.
ახლა კი დავუბრუნდეთ ბრაზილიაში მომხდარ შემთხვევას, რომლითაც ეს სტატია დაიწყო. ჩაწერილი ხმა და სავარაუდო ობიექტის მოხაზულობა ძალზე წააგავს იმ ელემენტებს, რომლებიც ნაჩვენებია ფილმში "გამოაშკარავების დღე". დამთხვევაა?
ერთი თვალის სიმბოლოს პრინციპული გამოყენება მიუთითებს იმაზე, რომ სტივენ სპილბერგის მომდევნო ფილმმა შესაძლოა განამტკიცოს ის ნარატივები, რომლებიც ოკულტური ელიტის ინტერესებს შეესაბამება. ეს არის ყველაფერი, რაც უნდა იცოდეთ უცხოპლანეტური პროგრამის შესახებ.
წყარო: vigilantcitizen.com
პუბლიკაცია ითარგმნა და გამოსაქვეყნებლად მომზადდა საიტ "აპოკალიფსისის" რედ. მიერ. 2026 წ.